Itzala

Itzala

Zure itzalarekin

maitemindu zara.

Egun eguzkitsuetan bakarrik

jarraitzen zaituen

itzal ilunarekin.

Zure itzala aurkitu dizunetik

inguratzen zaituen guztia

baztertu duzu,

lagunak,

familia,

baita ni ere.

Ez duzu ohartu nahi

ezin zarela zure itzalarekin bizi.

Izan ere, itzala,

momentu eder eta alaietan

eguzkiarekin batera

esnatzen da

baina eguraldia okertzen den

egunetan,

kostaldetik ekaitza dakarren

egun triste horietan,

igeri jakin gabe,

putzu sakon eta ilun baten

barnean itota

sentitzen zarenean.

Non dago zure itzala?

Ez dago,

Bere beharra sentitzen duzun momentuan,

ez da agertzen,

baztertu egiten zaitu.

Eta zu bakarrik, laguntzarik gabe,

irten behar duzu

Putzu ilun eta sakonetik.

Askenean, lehorrera irtetea 

lortzen duzun momentuan

eta eguzkiaren azpian

lehortzen ari zaren bitartean,

une zailena pasa ondoren,

konturatu gabe,

orduan irteten da berriro

itzala.

Hau aholku bat besterik ez da

Maite zaituen pertsona baten aholkua

zure itzalak itzala egin dion pertsona.

                       Iker Co.co.le